Hau gorrotatuak izan diren Matematikak izango dira nik aukeraturiko gaia. Nire ustez matematikak dakartzaten estigmagatik ez balitz, ikasgai benetan interesgarria dugu hau. Hauek irakasteko metodologia da gehienetan matematikak aspergarriak bilakatzen dituena. Hori dela eta, sarean motibazio hori mantentzeko baliogarriak izan daitezkeen web guneak bilatzen saiatu naiz. Baina, aurkitu ditudan gehienak ohiko jarduerak planteatzen dituztela esan beharra dago. Hau da, betiko ariketak eta buruketak aurkezten dira bertan, non umeek zentzu handirik bilatu gabe zenbait formula aplikatu behar dituzten jarduera horiek ebazteko. Hortaz, ez dut benetan gustatu zaidan weggunerik topatu. Egia ere bada, irakaskuntza tradizionala aurrera eramateko oso baliogarriak diren materialak lortu ditudala. Hona hemen honen adibide batzuk:
Web honetan zenbait irakasleentzat erabilgarriak izan daitezkeen jarduera ezberdinak aurki ditzakegu. Gainera, ariketak mailaren eta gaiaren arabera sailkatuta daude eta bai digitalki zein fitxak inprimatzeko balio dute. Baina, nire ustez umeen motibazioa pizteko eta behintzat ez amatatzeko ez dira batere egokiak.
Adibide honetan ariketak ere nahiko ohikoak dira, baina hauen funtzionamendua deigarriagoa da umeentzat hauen diseinua eta erabilera dela eta. Honetan ere, mailaka eta gaika antolatzen dira ariketak.
Webgune hau askoz gehiago gustatu zait. Praktikoagoa da, guztiz bisuala eta askoz ere deigarriagoa aurrekoekin konparatuz. Are gehiago, jokuaren antza daukate jarduerak. Arazoa da sarean baino ezin duzula erabili bertan agertutako aplikazioak.
Azkenengo webgune honek aplikazio oso interesgarria dauka. Programa honen bidez, bai ikasleek baita irakasleek ere beraien ariketa eta marrazki propioak sortzeko aukera izango dute. Gainera, matematikako hainbat aspektu era bisualean lantzeko aparteko aukera izango dute, adibidez geometria. Aplikazio hau benetan ineresgarria iruditu zait, modu errealagoan landu daitezkeelako hainbat eduki.
Dena den, matematika ikasteko nire ustez eskuekin sortu ahal ditugun adibideak bultzatu beharko genituzke, baita egunerokotasuneko elemntuen erabilera ere. Ez bakarrik formulak ikas, nondik datoz formulak? Hori bai interesgarriena matematika kontzeptuak errealak bihurtzeko!
No hay comentarios:
Publicar un comentario